اعلامنا بين التمجيد والتجميد

 

 

قنوات فضائية واقمار صناعية 

ينجبون ويتكاثرون ويسكنون بيوتنا 

بدون احم ولا دستور 

كل يوم تشوف مولود جديد 

بين (قمر وقناة ) 

مسكت الريموت كنترول وبدأت 

رحلة الاستكشاف 

برنامج عن اخبار النجوم والفنانين 

المذيعة تقول : 

ان الفنانة هيفاء وهبي تطالب قناة ال بي سي 

بدفع ثلاثة ملايين بسبب الطيحة 

الي طاحتها وعرضها على الشاشه 

وتهدد وتقول لو ما دفعتو التلاتة 

ملايين بطيب خاطر راح ارفع قضية 

وخليها سبعة ملايين!! 

(عقبال ماتطيحي في نار عرضها 

سبعون الف ذراعا) 

يعني سبحان الله 

ناس تموت ماهي لاقيا كسرة خبز 

وناس تنتحر ماعندها فلوس الدواء 

وناس تبغى سبع ملاييين عشان 

طاحت من اربع درجات!! 

وبعدين اقلب الاقي 

المولود الجديد من مجموعة ام بي سي 

(ام بي سي اكشن) 

هذا الي كان ناقصنا؟؟؟ 

دم وعنف واجرام وقاتل ومقتول 

واستسلم وارفع يدك وارمي السلاح 

لا جديد من ام بي سي؟؟؟ 

 

احط على قناة ابو ظبي 

اخر حلقة لبرنامج شاعر المليون 

ماادري كيف جيت على لحظة 

اعلان النتائــــــــــــــــــــــــــج 

المذيعة تقول: ودحين نعلن عن اسم 

الشاعر شاعر المليون بيرق الشعر 

الكل متحمس ومترقب جمهور ينتظر 

الملايين تنتظر تعرف مين شاعر المليون 

( الي يسمعها يقول بس هو دا 

الي بينقض الامة الاسلامية 

هو دا الفاتح والناصر 

والبطل المغوار 

هو دا المهدي المنتظر) 

والله شيء يبكي!!! 

بس عجبني الشاعر تبرع 

بكل المبلغ لجمعيات خيرية 

حركة حلوة بس اعتقد انها 

ماراح تتكرر!! 

با الأخير حطيت على قناة لبنانية 

سبحان الله ناس ما تمل وتكل من السياسة 

لسة على نواب وتصاريح وسراي حكومي 

وقوى الاكثرية وثلث معطل واعتصامات 

(ياجماعة بس خلاص ارحموا الناس 

سيبوها تعيش وتشتغل وتاكل وتنبسط 

السياسين ابعد مايكونوعن الشعب 

كل واحد بيكسر كلام التاني ويفرد عضلاتو 

ويوري انو يقدر ينزل ناس اكتر عل الشارع) 

 

هذا باختصار اعلامنا بين 

تمجيد السياسين والفنانين 

وتجميد المحتاجين والتعبانيين والمساكين 

تسألـــــــــــــــــــــــــــــــــــــــت 

اش فيها لو مرة واحدة كان استديو 

البرنامج في الشارع والضيوف 

الزبال والموظف والسباك والاسكافي 

والحلاق والطالب والدكنـــــــــــجي 

وناطور البناية والمحامــــــــــــــي 

وراعي الخضرة وسواق التاكسي 

؟؟؟؟؟؟؟؟؟؟؟؟؟؟؟؟؟؟؟؟؟